Финансиската поддршка од 150.000 евра од Стопанска банка претставува историска пресвртница за Музејот.
Ова е прва поголема донација која отвора пат за целосна модернизација и дигитален развој на институцијата.
Oвој развоен чекор се случува во период кога музејот се подготвува да го прослави својот 100-годишен јубилеј во 2026 година.
Трансформацијата ќе го постави музејот на пат кон ново време – каде науката, технологијата и образованието се спојуваат во единствено, современо и инспиративно искуство за сите посетители.
Модернизацијата ќе овозможи музејот да стане:
- Поатрактивен за децата и училиштата
- Поинтересен за локалните и странските туристи
- Подостапен за лицата со попреченост
- Интеракитвен и лидер во нови технологии
- Порелевантен во современиот едукативен контекст
Ова партнерство ќе овозможи музејот да стане поинклузивен, поинтересен и поинформативен
за децата, младите, семејствата и образовните институции, и во годината кога слави еден век постоење, модернизацијата ќе го подготви музејот за предизвиците на новото време и ќе му овозможи да биде жив едукативен центар, уште многу децении едукативна и научна работа што ја раскажува приказната за природата, биодиверзитетот и местото на човекот во неа.