Departamenti i Edukimit
dhe Bibliotekës

Departamenti i Edukimit

Fillimet e veprimtarisë arsimore-pedagogjike datojnë nga periudha pas Luftës së Dytë Botërore, kur në muze organizohen ekspozitat e para muzeale, gjë që solli nevojën për angazhim më të madh të kuadrit profesional me qëllim informimin shtesë të vizitorëve për eksponatet e ekspozuara muzeale. Më vonë, shërbimi arsimor-pedagogjik shndërrohet në departament të edukimit, ndërsa sot është pjesë e Departamentit të Edukimit dhe Bibliotekës dhe jep një kontribut të rëndësishëm në funksionimin e përgjithshëm të muzeut.

Në Departamentin e Edukimit, në mënyrë të vazhdueshme bëhet popullarizimi i vlerave kulturore, natyrore dhe shkencore të objekteve muzeale, përgatitja dhe realizimi i programeve edukative interaktive, projekteve, ligjëratave dhe formave të tjera të punës arsimore të dedikuara për grupe të ndryshme të synuara, si dhe përgatitja e materialeve edukative nga fusha e natyrës. Gjithashtu, përmes Departamentit të Edukimit vendoset bashkëpunim me institucionet edukativo-arsimore dhe profesionale.

Qëllimi dhe detyra kryesore e këtij departamenti është zgjerimi i njohurive, por edhe ngritja e vetëdijes së publikut të gjerë për rëndësinë e natyrës për njeriun.

Personi i kontaktit

Ivana Zdravevska
edukatore
educator@musmacscinat.mk

Biblioteka

IN Muzeu i Shkencave të Natyrës i R. së Maqedonisë së Veriut, në kuadër të veprimtarisë së tij, posedon edhe një bibliotekë të specializuar, e cila kryen detyra komplekse në proceset e furnizimit, përpunimit profesional, sigurimit të qasjes, ruajtjes, mbrojtjes dhe digjitalizimit të materialit bibliotekar dhe të mirave bibliotekare.

Biblioteka e specializuar disponon një fond të pasur librash (libra, revista periodike etj.) nga fushat e biologjisë, gjeologjisë dhe paleontologjisë, duke kontribuar kështu në avancimin e punës profesionale dhe shkencore-hulumtuese të kuadrit profesional të muzeut.

Si rezultat i shkëmbimit të botimeve që i publikon Muzeu (Annales Musei Serbiae Meridionales, Acta Musei Macedonici Scientiarum Naturalium, Fragmenta Balcanica, Botim i veçantë, Fauna e Maqedonisë dhe Përmbledhje jubilare), biblioteka, si në të kaluarën ashtu edhe sot, pranon një numër të madh titujsh, veçanërisht publikime serike, ndërsa shkëmbimi bëhet me 419 institucione nga vendi dhe jashtë tij. Pjesa më e madhe e prurjeve vjetore të librave, publikimeve dhe revistave në bibliotekë sigurohen përmes shkëmbimit dhe dhurimit.

Në vitin 2019, pas realizimit të revizionit të fondit bibliotekar, biblioteka dispononte 64.960 njësi bibliotekare, nga të cilat 3215 tituj të publikimeve monografike dhe 1190 tituj të publikimeve periodike.

Personi i kontaktit

Biljana Kuzevska
bibliotekare
librarian@masmucscinat.mk